Yours to explore
Mae Cwm Elan yn lle bendigedig i ddianc rhag holl brysurdeb bywyd modern. Yn ogystal â bod oddi ar y grid i raddau helaeth, digon cyfyngedig yw’r gwasanaeth ffôn symudol a wifi ar ystâd hefyd. Mae’n rhoi’r cyfle i ymwelwyr ‘fynd all-lein’ ac ymhyfrydu’n llwyr yn rhyfeddodau’r dirwedd a bywyd gwyllt yr ardal.
Dyfarnwyd statws Parc Awyr Dywyll Rhyngwladol i’r ystâd hefyd, sy’n ei gwneud yn lle delfrydol i wylio’r sêr.
A chofiwch, mae gwyliau neu wyliau byr wir yn rhoi’r cyfle i chi fanteisio ar y cyfleoedd bendigedig i fynd am dro neu feicio yng Nghwm Elan a’r Canolbarth.
Os ydych chi’n cynllunio gwyliau neu wyliau byr yn y Canolbarth, does yna’r un lle gwell i aros nac yma ar ystâd Elan!
Mae gan Ymddiriedolaeth Cwm Elan amrywiaeth o fythynnod hunanddarpar wrth galon yr ystâd. Am arosiadau byrrach, gallwch fwynhau Tŷ ac Ystafell De Penbont sy’n swatio wrth ymyl argae Pen-y-Garreg ac sy’n cynnig llety gwely a brecwast rhagorol 4-Seren-Croeso-Cymru,. Am ragor o fanylion, ewch i wefan Ymddiriedolaeth Cwm Elan.
Mae’r llety arall sydd ar gael yn yr ardal cynnwys Gwesty Cwm Elan a adnewyddwyd yn ddiweddar a’r safle carafanau a gwersylla Elan Oaks . I’r rhai mwy anturus, mae’r Elan Valley Lodge yn cynnig gwyliau a gweithgareddau hamdden.
Y tu hwnt i Gwm Elan, mae yna ddigonedd o lefydd i aros dros nos.
Mae’r gwefannau canlynol yn llefydd da i chwilio am westai, llety gwely a brecwast, llety hunanddarpar, safleoedd carafanio a gwersylla, safleoedd glampio, hostelau a llety byncws i’w bwcio.
