Lle i chi grwydro
Mae taith gerdded gylchol tair awr o hyd, un o rai mwyaf poblogaidd Cwm Elan, yn mynd ag ymwelwyr o amgylch cylchdaith Garreg Ddu trwy goedwigoedd a chaeau hyfryd.
Dilynwch y saethau oren ar hyd llwybr heb unrhyw ddringfeydd sylweddol ond efallai y bydd rhai rhannau yn wlyb dan draed. Mae’r llwybr drwy’r goedwig yn gul mewn mannau â gwreiddiau coed wedi’u dadorchuddio. Argymhellir esgidiau cadarn.
Map OS Explorer 200 yn cychwyn o SN915673
O Faes Parcio Penbont, croeswch y ffordd a dilynwch y saethau oren i lwybr graean bach drwy’r coed. Ymunwch â’r palmant a pharhewch ar hyd y ffordd i fyny i’r glwyd lydan.
Ewch drwy’r glwyd wrth y tro sydyn, sy’n arwain i drac garw.
Dilynwch y trac am tua 1 cilomedr heibio Ffermdy Tynllidiart a pharhewch trwy ychydig o glwydi fferm. Dilynwch y trac ar hyd ymyl y cae, gan fynd drwy’r rhyd a thrwy glwyd fferm arall.
Dilynwch yr arwyddion ffordd ar hyd ymyl y caeau am 300 medr i glwyd sy’n arwain at lwybr bordiau ar draws nant fach a chors. Dilynwch y llwybr i lawr y rhiw tan i chi gyrraedd clwyd fach arall i mewn i’r coetir.
Dilynwch yr arwyddion ffordd ar hyd llwybr coedwig am 1 cilomedr tan i chi gyrraedd clwyd fach i mewn i gae.
Croeswch y cae ac ewch drwy glwyd fach arall ar yr ochr arall, yn ôl i mewn i’r goedwig.
Dilynwch y llwybr trwy olion Waliau Gardd Tŷ Cwm Elan – lle arhosodd y bardd Shelley ym 1811-1812.
Parhewch i lawr y rhiw a chroeswch y bont dros Nant Methan. Dilynwch y llwybr i fyny ar yr ochr arall a pharhewch ar hyd y llwybr coediog am tua 600 medr.
Ar ôl i chi gyrraedd clwyd fach arall, dilynwch y llwybr i fyny’r rhiw tan i chi gyrraedd trac mawr – byddwch yn ofalus o gerbydau fferm.
Trowch i’r chwith a dilynwch y trac i lawr y rhiw. Parhewch am 500 medr tan i chi gyrraedd pâr o bontydd. Trowch i’r chwith i lawr y grisiau i’r bont droed.
Croeswch y bont a dilynwch y trac yn ôl tuag at Draphont Garreg Ddu.
Cerddwch ar draws y draphont a throwch i’r chwith i ymuno a Llwybr Cwm Elan. Bydd hyn yn mynd â chi yn ôl ar hyd lan arall y gronfa ddŵr. Dilynwch y llwybr am bron i 3 cilomedr tan i’r llwybr fynd trwy glwyd a chroesi’r ffordd.
Ewch drwy’r glwyd a chadwch i’r chwith, gan ddilyn y ffordd am 800 medr. Croeswch y bont grom islaw Argae Pen-y -garreg i ddychwelyd i Benbont ar y dde i chi.
Yn bennaf wastad ag un rhan serth yn unig ger Cwmdauddwr, mae’r daith gerdded 1.5 awr o hyd hon o’r Ganolfan Ymwelwyr i dref gyfagos Rhaeadr yn llwybr poblogaidd.
• I’R LLWYBR •Taith gerdded awr o hyd weddol heriol sy’n cylchu o amgylch Craig Cwplau gyda golygfeydd o ddiffeithwch Cambria ac Argae Claerwen.
• I’R LLWYBR •Llwybr sy’n cymryd tua awr a hanner i’w gwblhau ac yn cynnwys coetir hynafol a golygfeydd gwych o Gaban-coch.
• I’R LLWYBR •
