Lle i chi grwydro
Mae’n gofyn i chi ffeindio’ch ffordd o gwmpas llwybr penodol gan ddarllen map cyfeiriannu er mwyn dod o hyd i bwynt penodol a’i gofnodi cyn symud ymlaen i chwilio am y pwynt nesaf.
Mae Cwm Elan a’r Clwb Cyfeiriannu Canolbarth wedi creu dau gwrs cyfeiriannu newydd sy’n addas i ddechreuwyr a theuluoedd. Mae’r ddau gwrs yn dilyn llwybrau sy’n bodoli eisoes o gwmpas Coedwig y Cnwch.
Mae mapiau diddos a chyfarwyddiadau ar gael yn y Ganolfan Ymwelwyr unrhyw bryd yn ystod oriau agor. Gallai cwmpawd fod yn fuddiol, ond nid yw’n hanfodol. Argymhellir gwisgo esgidiau cadarn.
Am glywed rhagor?
Gwyliwch y fideo hwylus yma sy’n dangos sut mae cyfeiriannu.
Mae dau gwrs newydd yng Nghoedwig y Cnwch sy’n addas i deuluoedd a dechreuwyr.
1.3km / 0.8 milltir Cylch byr o hyd o gwmpas Coedwig y Cnwch. Mae’r llwybr yma’n weddol wastad er ei fod yn croesi ychydig o dir garw. Y sialens ychwanegol gyda’r cwrs hwn yw bod angen cofnodi llythyren olaf pob pwynt rheoli er mwyn sillafu enw dau aderyn ysglyfaethus a welir yng Nghwm Elan.
3.6km / 2.2 milltir Cwrs hirach o hyd sy’n dringo i ben argae Caban Coch, yn parhau trwy Goedwig y Cnwch a Phentref Elan cyn gorffen yn y Ganolfan Ymwelwyr.
Rhannwch eich lluniau
Byddai’n dda gennym weld lluniau o’ch anturiaethau cyfeiriannu yng Nghwm Elan – croeso i chi eu rhannu â ni ar Facebook, Twitter neu Instagram #cyfeiriannu
