Lle i chi grwydro
Taith gerdded 40 munud o hyd i raeadr anhygoel â golygfeydd godidog o’r argae fwyaf yng Nghwm Elan.
Dilynwch y saethau porffor ar draws caeau neu laswelltir agored yn bennaf â llethrau cymedrol.
Map OS Explorer 200 yn cychwyn o SN870633
O’r hysbysfwrdd, cerddwch am 50 medr ar hyd y ffordd a dilynwch y saeth borffor ar draws y bont.
Chwiliwch am saeth borffor sy’n pwyntio’n lletraws i’r chwith ar bostyn tal y llwybr ceffylau. Ceir clwyd bren o flaen adeilad carreg bach. Ewch drwyddi ac yn syth ar draws dau gae trwy ddwy glwyd arall.
Croeswch y bont ac yna dilynwch i saeth i fyny’r rhiw i’r dde. Cadwch lygad allan am byst cyfeirio â’r saethau porffor.
Dilynwch y saethau am tua 400 medr cyn cyrraedd gwaelod y rhaeadrau. Mae’r postyn olaf yn dangos saeth sy’n dangos y ffordd yn ôl. Dilynwch y llwybr yn ôl y ffordd y daethoch chi, gan gofio cau’r holl glwydi ar eich ôl.
Tro glan afon byr i olygfa wych o Argae Pen-y-garreg a ddylai gymryd tua hanner awr ac sy’n cychwyn ym Maes Parcio Penbont.
• I’R LLWYBR •Mae’r gylchdaith tair awr o hyd, un o rai mwyaf poblogaidd Cwm Elan, yn mynd ag ymwelwyr o amgylch cylchdaith Garreg Ddu trwy goedwigoedd a chaeau godidog.
• I’R LLWYBR •Gellir cyflawni’r daith gerdded hon, sy’n cylchu i ben Argae Pen-y-garreg a thrwy ddwy ochr Coedwig Penbont, yn y naill gyfeiriad neu’r llall mewn tua 45 munud.
• I’R LLWYBR •
